Pascal Dusapin

1955, Nancy (Frantzia). Olivier Messiaenen eskolak jaso zituen Parisko kontserbatorioan, eta, ondoren, Iannis Xenakisekin (1974 eta 1978 artean) eta, azkenik, Franco Donatonirekin osatu zuen bere heziketa. Espektralismoaren mugimendu musikalaren aurka, musikagilearen lanbidearen osagai “artisaua” defendatu du. Genero guztietarako obra ugari konposatu ditu: instrumentu bakarlariarentzat, ganbera-musikarentzat, ahots-musikarentzat, orkestrarentzat eta operentzat. Erromako Saria irabazi ondoren, Italian bizi izan zen 1981 eta 1983 artean, Villa Medicin, Frantziako Akademiak Erroman zuen egoitzan. 1993 eta 1994 artean Lyongo Orkestra Nazional Sinfonikoaren “konpositorea” izan zen. 2003an, Parisko Bastillako Operan, Perelà Uomo di fumo opera estreinatu zen, arrakasta handia lortu zuena, eta, 2006an, beste opera bat estreinatu zuen, Faustus, the Last Night izenekoa, Lyongo Operak eta Berlingo Staatsoper Unter den Lindenek elkarrekin egindako enkargu baten ondorioz. Sari garrantzitsuak jaso ditu, besteak beste: 1995ean Kultura Ministerioko Grand Prix National de Musique; 1998an Lyongo Orkestra Nazionalaren grabazio bategatik Victoire de la Musique irabazi zuen; 2002an “urteko konpositore” izendatu zuten eta 2005ean Cino del Duca saria jaso zuen.